Importance and Power of Ardaas in Punjabi – ਅਰਦਾਸ ਦੀ ਮਹੱਤਤਾ ਅਤੇ ਸ਼ਕਤੀ

ਅਰਦਾਸ ਦੀ ਮਹੱਤਤਾ ਅਤੇ ਸ਼ਕਤੀ – The Importance and Power of Ardaas in Punjabi

ਸਿੱਖ ਧਰਮ ਵਿੱਚ, ਅਰਦਾਸ ਗੁਰੂ ਦੇ ਸੇਵਕ ਦੁਆਰਾ ਉਸ ਅਕਾਲ ਪੁਰਖ ਅੱਗੇ ਕੀਤੀ ਗਈ ਨਿਮਰ ਬੇਨਤੀ ਹੈ (Ardaas meaning in Punjabi)। ਅਰਦਾਸ ਸਾਡੇ ਜੀਵਨ ਦਾ ਇੱਕ ਅਹਿਮ ਹਿੱਸਾ ਹੈ। ਗੁਰੂ ਦਾ ਸਿੱਖ ਰੋਜ਼ਾਨਾ ਆਪਣੇ ਨਿੱਤਨੇਮ ਤੋਂ ਬਾਅਦ, ਜੀਵਨ ਵਿੱਚ ਹਰ ਵੱਡਾ ਜਾਂ ਛੋਟਾ ਫੈਸਲਾ ਲੈਣ ਤੋਂ ਪਹਿਲਾਂ, ਜਾਂ ਖੁਸ਼ੀ ਜਾਂ ਦੁੱਖ ਦੇ ਹਰ ਪਲ ਵਿੱਚ, ਸੱਚੇ ਪਿਤਾ, ਪਰਮਾਤਮਾ ਅੱਗੇ ਮਾਰਗਦਰਸ਼ਨ ਲਈ ਅਰਜ਼ ਕਰਦਾ ਹੈ। ਇਸ ਦੇ ਨਾਲ ਹੀ, ਅਸੀਂ ਗੁਰਮਤਿ ਦੀਆਂ ਸਿੱਖਿਆਵਾਂ, ਜਿਵੇਂ ਕਿ ਸੱਚ, ਵਿਸ਼ਵਾਸ, ਨਿਮਰਤਾ ਅਤੇ ਕਿਰਤ ਦੀ ਪਾਲਣਾ ਕਰਨ ਦੀ ਤਾਕਤ ਮੰਗਦੇ ਹਾਂ; ਅਤੇ ਜਾਣਬੁੱਝ ਕੇ ਜਾਂ ਅਣਜਾਣੇ ਵਿੱਚ ਕੀਤੀਆਂ ਗਈਆਂ ਕਿਸੇ ਵੀ ਗਲਤੀਆਂ ਲਈ ਬਖ਼ਸ਼ਣਹਾਰ ਪਾਰਬ੍ਰਹਮ ਤੋਂ ਖ਼ਿਮਾ ਮੰਗਦੇ ਹਾਂ।

ਅਰਦਾਸ- What is Sikh Ardaas in Punjabi Language

ਅਰਦਾਸ ਉਸ ਅਕਾਲ ਪੁਰਖ ਅੱਗੇ ਕੀਤੀ ਗਈ ਬੇਨਤੀ ਹੈ ਜੋ ਹਰ ਸਿੱਖ ਅਤੇ ਅਤੇ ਸਮੂਹ ਸੰਗਤ ਨਿਤਨੇਮ (What is Ardas Prayer in Punjabi Language) ਤੋਂ ਬਾਅਦ ਕਰਦੀ ਹੈ। ਸਿੱਖੀ ਵਿੱਚ ਅਰਦਾਸ ਪਰਮ-ਪਿਤਾ ਪ੍ਰਮਾਤਮਾ ਜੀ ਨੂੰ ਹਾਜ਼ਿਰ- ਨਾਜ਼ਿਰ ਜਾਣ ਕੇ ਗੁਰੂ ਕਾ ਦਾਸ ਰੋਜ਼ਾਨਾ ਬਾਣੀਆਂ ਦਾ ਪਾਠ ਕਰਨ ਤੋਂ ਬਾਅਦ, ਹਰ ਮਹੱਤਵਪੂਰਨ ਕਾਰਜ ਨੂੰ ਕਰਨ ਤੋਂ ਪਹਿਲਾਂ ਜਾਂ ਬਾਅਦ ਅਤੇ ਹਰ ਉਸ ਵੇਲੇ ਕੀਤੀ ਜਾਂਦੀ ਹੈ ਜਦੋਂ ਵੀ ਸੇਵਕ ਪ੍ਰਮਾਤਮਾ ਅੱਗੇ ਆਪਣੀ ਅਰਜ਼ ਲਾਉਣਾ ਚਾਹੁੰਦੇ ਹਨ। ਅਰਦਾਸ ਵੇਲੇ ਸਾਰੀ ਸੰਗਤ ਹੱਥ ਜੋੜ ਕੇ, ਨਿਮਰਤਾ ਨਾਲ ਸਿਰ ਨਿਵਾ ਕੇ, ਅਤੇ ਸ਼ਰਧਾ ਭਾਵ ਨਾਲ ਵਾਹਿਗੁਰੂ ਤੋਂ  ਅਸ਼ੀਰਵਾਦ, ਮਾਰਗਦਰਸ਼ਨ ਅਤੇ ਕਿਰਪਾ ਦੀ ਦਾਤ ਬਕਸ਼ਨ ਲਈ ਇੱਕ ਆਵਾਜ਼ ਵਿੱਚ ਅਰਦਾਸ ਕਰਦੇ ਹਨ।

ਅਰਦਾਸ ਦੀ ਬਣਤਰ- Structure of Ardas in Punjabi Language

(Understanding Sikh Ardass in Punjabi Language)

ਅਰਦਾਸ ਦੇ ਤਿੰਨ ਮੁੱਖ ਭਾਗ ਹਨ। ਅਰਦਾਸ ਦੇ ਪਹਿਲੇ ਭਾਗ ਵਿੱਚ ਏਕ-ਓਂਕਾਰ, ਵਾਹਿਗੁਰੂ ਜੀ ਦਾ ਸਿਮਰਨ ਕਰਦੇ ਹੋਏ, ਦੱਸਾਂ ਪਾਤਸ਼ਾਹੀਆਂ ਦਾ ਧਿਆਨ ਹੁੰਦਾ ਹੈ ਜਿੰਨ੍ਹਾਂ ਦੇ ਸਿਮਰਨ ਨਾਲ ਹੀ ਸਾਰੇ ਦੁੱਖ ਦੂਰ ਹੋ ਜਾਂਦੇ ਹਨ।

ਅਰਦਾਸ ਦੇ ਦੂਜੇ ਭਾਗ ਵਿੱਚ ਸਿੱਖ ਇਤਿਹਾਸ ਅਤੇ ਧਰਮ ਦੀ ਰੱਖਿਆ ਲਈ ਕੀਤੀਆਂ ਕੁਰਬਾਨੀਆਂ ਨੂੰ ਯਾਦ ਕਰਨਾ ਸ਼ਾਮਲ ਹੈ। ਇਹਨਾਂ ਸ਼ਬਦਾਂ ਵਿੱਚ ਸਿੱਖ ਸ਼ਹੀਦਾਂ ਦੀ ਕੁਰਬਾਨੀਆਂ ਨੂੰ ਯਾਦ ਕਰਨਾ ਸ਼ਾਮਲ ਹੈ ਜਿਨ੍ਹਾਂ ਨੇ ਆਪਣੇ ਧਰਮ ਲਈ ਆਪਣੀਆਂ ਜਾਨਾਂ ਦਿੱਤੀਆਂ ਪਰ ਆਪਣਾ ਵਿਸ਼ਵਾਸ ਨਹੀਂ ਹਾਰਿਆ।

ਅਰਦਾਸ ਦੇ ਤੀਜੇ ਹਿੱਸੇ ਵਿੱਚ ਅਕਾਲ ਪੁਰਖ, ਵਾਹਿਗੁਰੂ ਜੀ ਅੱਗੇ ਬੇਨਤੀ ਕਰਨਾ ਸ਼ਾਮਲ ਹੈ। ਇਹਨਾਂ ਸ਼ਬਦਾਂ ਵਿੱਚ ਵਾਹਿਗੁਰੂ ਤੋਂ ਸਿੱਖ ਧਰਮ ਦੀਆਂ ਦਾਤਾਂ ਅਤੇ ਸਿੱਖ ਰਹਿਤ ਮਰਿਆਦਾ ਦੀ ਪਾਲਣਾ ਦੀ ਦਾਤ ਲਈ ਬੇਨਤੀ ਕੀਤੀ ਜਾਂਦੀ ਹੈ। ਗੁਰੂ ਕੇ ਸਿੱਖ ਬੇਨਤੀ ਕਰਦੇ ਹਨ ਕਿ ਵਾਹਿਗੁਰੂ ਦਾ ਹੁਕਮ ਮੰਨਦੇ ਹੋਏ ਸਿੱਖ ਮਨ ਵਿੱਚ ਨਿਮਰ ਰਹਿਣ ਪਰ ਬੁੱਧੀ ਵਿੱਚ ਉੱਚੇ ਰਹਿਣ। ਅਰਦਾਸ ਕਰਨ ਵੇਲੇ ਹੋਈਆਂ ਗ਼ਲਤੀਆਂ ਦੀ ਮਾਫ਼ੀ ਮੰਗਦੇ ਹੋਏ ਸੰਗਤ ਸਰਬਤ ਦੇ ਭਲੇ ਦੀ ਬੇਨਤੀ ਕਰਦੀ ਹੈ ਅਤੇ ਫ਼ਤਹਿ ਬੁਲਾਈ ਜਾਂਦੀ ਹੈ।

ਸਥਿਤੀ ਦੇ ਅਨੁਸਾਰ ਅਰਦਾਸ ਵਿੱਚ ਜੋੜ- Variations in Ardaas in Punjabi Language

ਅਰਦਾਸ ਦਾ ਪਹਿਲਾ ਅਤੇ ਅਖੀਰਲਾ ਭਾਗ ਸਦਾ ਸਥਿਰ ਰਹਿੰਦਾ ਹੈ, ਪਰ ਵਿਚਕਾਰਲੇ ਭਾਗ ਵਿੱਚ ਸਥਿਤੀ ਦੇ ਅਨੁਸਾਰ ਅਕਾਲ ਪੁਰਖ ਨੂੰ ਕੀਤੀ ਜਾਣ ਵਾਲੀ ਬੇਨਤੀ ਲਈ ਸ਼ਬਦ ਜੋੜੇ ਜਾਂ ਸਕਦੇ ਹਨ। ਖੁਸ਼ੀ ਦੇ ਸਮੇਂ, ਜਿਵੇਂ ਕਿ ਵਿਆਹ, ਨਵੀਂ ਨੌਕਰੀ, ਬੱਚੇ ਦਾ ਜਨਮ, ਜਾਂ ਖੁਸ਼ੀ ਦੇ ਹੋਰ ਮੌਕਿਆਂ ‘ਤੇ, ਅਸੀਂ ਆਪਣੇ ਸਤਿਗੁਰੂ ਤੋਂ ਅਸੀਸਾਂ ਪ੍ਰਾਪਤ ਕਰਨ ਅਤੇ ਉਨ੍ਹਾਂ ਪ੍ਰਤੀ ਆਪਣੀ ਸ਼ੁਕਰਗੁਜ਼ਾਰੀ ਪ੍ਰਗਟ ਕਰਨ ਲਈ ਅਰਦਾਸ ਕਰਦੇ ਹਾਂ। ਇਸੇ ਤਰ੍ਹਾਂ, ਜੀਵਨ ਨਾਲ ਸਬੰਧਤ ਚੁਣੌਤੀ, ਮੌਤ, ਜਾਂ ਪਰਿਵਾਰ ਵਿੱਚ ਕੋਈ ਹੋਰ ਵਿਸ਼ੇਸ਼ ਕਾਰਜ ਪੂਰਾ ਕਰਨ ਦੀਆਂ ਬੇਨਤੀਆਂ (Power of Ardaas in Punjabi Language) ਨੂੰ ਵਿਚਕਾਰਲੇ ਭਾਗ ਵਿੱਚ ਜੋੜਿਆ ਜਾ ਸਕਦਾ ਹੈ। ਇਹ ਬੇਨਤੀਆਂ ਅਕਾਲ ਪੁਰਖ ਅੱਗੇ ਸ਼ੁਕਰਗੁਜ਼ਾਰੀ, ਭਵਿੱਖ ਲਈ ਅਸ਼ੀਰਵਾਦ, ਅਧਿਆਤਮਿਕ ਸ਼ਾਂਤੀ, ਮਾਫ਼ੀ, ਜਾਂ ਸਹਾਇਤਾ ਲਈ ਕੀਤੀਆਂ ਜਾਂਦੀਆਂ ਹਨ।

ਅਰਦਾਸ ਦੀ ਮਹੱਤਤਾ ਅਤੇ ਸ਼ਕਤੀ – Importance and Power of Ardaas in Sikhism in Punjabi Language

• ਅਕਾਲ ਪੁਰਖ ਨੂੰ ਬੇਨਤੀ – Prayer to the Eternal God

ਸਿੱਖ ਧਰਮ ਵਿੱਚ ਅਰਦਾਸ ਸਰਬਵਿਆਪੀ ਅਕਾਲ ਪੁਰਖ ਨੂੰ ਸਿੱਧੀ, ਦਿਲੋਂ ਕੀਤੀ ਗਈ ਬੇਨਤੀ ਹੈ। ਅਰਦਾਸ ਰਾਹੀਂ ਸਿੱਖ ਆਪਣੀ ਰੂਹ ਨੂੰ ਅਕਾਲ ਪੁਰਖ ਨਾਲ ਜੋੜਦਾ ਹੈ। ਆਪਣੇ ਨਿਤਨੇਮ ਉਪਰੰਤ ਅਰਦਾਸ ਕਰਨ ਨਾਲ ਸਿੱਖ ਵਾਹਿਗੁਰੂ ਨਾਲ ਜੁੜਦਾ ਹੈ। ਆਪਣੇ ਸਰਬ ਸੁਖਾਂ  ਦੀ ਸ਼ੁਕਰਗੁਜ਼ਾਰੀ ਕਰਦੇ ਹੋਏ, ਗੁਰੂ ਕਾ ਸਿੱਖ ਰਹਿਤ ਮਰਿਆਦਾ ਅਤੇ ਧਰਮ ਦੇ ਮਾਰਗ ‘ਤੇ ਚੱਲਣ ਦੀ ਬਕਸ਼ ਦੀ ਬੇਨਤੀ ਕਰਦਾ ਹੈ।

• ਸਿੱਖ ਇਤਿਹਾਸ ਅਤੇ ਕੁਰਬਾਨੀਆਂ ਦੀ ਯਾਦ- Remembrance of Sikh history and sacrifices

ਅਰਦਾਸ ਦੇ ਇੱਕ ਮਹੱਤਵਪੂਰਨ ਹਿੱਸੇ ਵਿੱਚ ਸਿੱਖ ਗੁਰੂਆਂ ਅਤੇ ਅਣਗਿਣਤ ਸ਼ਹੀਦਾਂ ਦੀਆਂ ਬੇਅੰਤ ਕੁਰਬਾਨੀਆਂ ਨੂੰ ਯਾਦ ਕਰਨਾ ਸ਼ਾਮਲ ਹੈ ਜਿਨ੍ਹਾਂ ਨੇ ਜ਼ੁਲਮ ਅਤੇ ਅਨਿਆਂ ਵਿਰੁੱਧ ਸਿੱਖ ਧਰਮ ਦੇ ਸਿਧਾਂਤਾਂ ਨੂੰ ਕਾਇਮ ਰੱਖਿਆ। ਇਸ ਤਰ੍ਹਾਂ, ਅਰਦਾਸ ਗੁਰੂ ਦੇ ਸਿੰਘਾਂ ਅਤੇ ਸਿੰਘਣੀਆਂ ਵਿੱਚ ਧਰਮ ਪ੍ਰਤੀ ਹਿੰਮਤ ਅਤੇ ਵਚਨਬੱਧਤਾ ਵਧਾਉਂਦੀ ਹੈ।

• ਵਿਸ਼ਵਾਸ ਅਤੇ ਧੀਰਜ ਵਿੱਚ ਵਾਧਾ- Builds Faith and Patience

ਸਾਡੀਆਂ ਬੇਅੰਤ ਇੱਛਾਵਾਂ ਹਨ ਜੋ ਅਸੀਂ ਵਾਹਿਗੁਰੂ ਅੱਗੇ ਰੱਖਦੇ ਹਾਂ। ਪਰ ਅਰਦਾਸ ਦੀ ਅਸਲ ਸ਼ਕਤੀ ਸਾਨੂੰ ਅੰਦਰੋਂ ਮਜ਼ਬੂਤ ਬਨਾਉਂਦੀ ਹੈ ਅਤੇ ਇਹ ਵਿਸ਼ਵਾਸ ਕਰਨਾ ਸਿਖਾਉਂਦੀ ਹੈ ਕਿ ਵਾਹਿਗੁਰੂ ਸਾਡੀ ਗੱਲ ਸੁਣ ਰਹੇ ਹਨ ਅਤੇ ਸਭ ਕੁਝ ਉਸਦੀ ਇੱਛਾ ਅਨੁਸਾਰ ਹੋ ਰਿਹਾ ਹੈ। ਅਰਦਾਸ ਰਾਹੀਂ ਅਸੀਂ ਅਕਾਲ ਪੁਰਖ ਦੇ ਹੁਕਮ ਦੀ ਪਾਲਣਾ ਕਰਦੇ ਹਾਂ, ਜੋ ਸਾਨੂੰ ਮਨ ਦੀ ਸ਼ਾਂਤੀ ਅਤੇ ਆਤਮਿਕ  ਤਾਕਤ ਦਿੰਦਾ ਹੈ।

• ਸਮੂਹ ਸੰਗਤ ਦੀ ਅਰਦਾਸ- Collective Sikh community Prayer

ਜਦੋਂ ਸਾਰੀ ਸੰਗਤ ਸਤਿਗੁਰੂ ਅੱਗੇ ਅਰਦਾਸ ਕਰਦੀ ਹੈ, ਤਾਂ ਉਹ ਬੇਨਤੀ ਸਿਰਫ ਇਕੱਲੇ ਵਿਅਕਤੀ ਦੀ ਨਹੀਂ ਰਹਿੰਦੀ, ਸਗੋਂ ਪੂਰੀ ਸੰਗਤ ਦੀ ਹੁੰਦੀ ਹੈ।  ਜਦੋਂ ਕਈ ਮਨ ਇਕੱਠੇ ਹੋ ਕੇ ਭਾਵਨਾ ਨਾਲ ਵਾਹਿਗੁਰੂ ਨੂੰ ਯਾਦ ਕਰਦੇ ਹਨ, ਤਾਂ ਉਸ ਅਰਦਾਸ ਵਿੱਚ ਬੇਅੰਤ ਤਾਕਤ ਆ ਜਾਂਦੀ ਹੈ। ਇਹ ਸਾਡੀਆਂ ਭਾਵਨਾਵਾਂ ਨੂੰ ਜੋੜਦੀ ਹੈ ਅਤੇ ਸਾਨੂੰ ਇਹ ਅਹਿਸਾਸ ਕਰਵਾਉਂਦੀ ਹੈ ਕਿ ਅਸੀਂ ਇਕੱਲੇ ਨਹੀਂ ਹਾਂ। ਅਜਿਹੀ ਸਮੂਹਕ ਅਰਦਾਸ ਪਿਆਰ, ਏਕਤਾ ਅਤੇ ਵਿਸ਼ਵਾਸ ਨੂੰ ਵਧਾਉਂਦੀ ਹੈ।

• ਭਾਣਾ ਮੰਨਣਾ- Accepting the will of God

ਅਰਦਾਸ ਵਿੱਚ ਅਸੀਂ ਵਾਹਿਗੁਰੂ ਦੇ ਭਾਣੇ ਨੂੰ ਮੰਨਣ ਦਾ ਹੁਕਮ ਸਵੀਕਾਰ ਕਰਦੇ ਹਾਂ- “ਨਾਨਕ ਨਾਮ ਚੜ੍ਹਦੀ ਕਲਾ, ਤੇਰੇ ਭਾਣੇ ਸਰਬੱਤ ਦਾ ਭਲਾ”। ਅਕਾਲ ਪੁਰਖ ਦੀ ਰਜ਼ਾ ਵਿੱਚ ਰਜ਼ਾਮੰਦ ਹੋਣ ਨਾਲ ਸਾਡੀ ਆਤਮਿਕ ਤਾਕਤ ਵਧਦੀ ਹੈ ਅਤੇ ਵਿਸ਼ਵਾਸ ਹੋਰ ਮਜ਼ਬੂਤ ਹੁੰਦਾ ਹੈ। ਇਹ ਸੋਚ ਸਾਨੂੰ ਸੰਤੋਖ, ਧੀਰਜ ਅਤੇ ਆਤਮਿਕ ਸ਼ਾਂਤੀ ਦਿੰਦੀ ਹੈ ਅਤੇ ਨਿਰਾਸ਼ਾ ਤੋਂ ਬਚਾਉਂਦੀ ਹੈ। ਇਹ ਯਕੀਨੀ ਬਣਾਉਂਦਾ ਹੈ ਕਿ ਜੋ ਵੀ ਹੋ ਰਿਹਾ ਹੈ ਉਹ ਸਾਰਿਆਂ ਦੇ ਭਲੇ ਲਈ ਹੈ ਅਤੇ ਵਾਹਿਗੁਰੂ ਦੀ ਇੱਛਾ ਅਨੁਸਾਰ ਹੋ ਰਿਹਾ ਹੈ।

• ਮਾਨਸਿਕ ਅਤੇ ਭਾਵਨਾਤਮਕ ਸਮਰਪਣ- Complete Mental and emotional surrender

ਨਿਤਨੇਮ ਤੇ ਅਰਦਾਸ ਵੇਲੇ ਅਸੀਂ ਵਾਹਿਗੁਰੂ ਅੱਗੇ ਆਪਣੀਆਂ ਸਾਰੀਆਂ ਚਿੰਤਾਵਾਂ ਅਤੇ ਦੁੱਖਾਂ ਨੂੰ ਸਮਰਪਿਤ ਕਰ ਦੇਣੇ ਹਾਂ। ਇਸ ਤਰਾਂ ਅਰਦਾਸ ਦੌਰਾਨ ਆਪਣੀਆਂ ਭਾਵਨਾਵਾਂ ਨੂੰ ਰੱਬ ਅੱਗੇ ਸਮਰਪਿਤ ਕਰ ਦਿੰਦੇ ਹਾਂ ਜਿਸ ਨਾਲ ਮਨ ਨੂੰ ਸ਼ਾਂਤੀ ਤੇ ਹੋਂਸਲਾ ਮਿਲਦਾ ਹੈ। ਇਹ ਸਾਨੂੰ ਨਿਰਾਸ਼ਾ ਤੋਂ ਬਚਾਉਂਦਾ ਹੈ ਅਤੇ ਉਮੀਦ ਦੀ ਇੱਕ ਨਵੀਂ ਰੌਸ਼ਨੀ ਲਿਆਉਂਦਾ ਹੈ।

ਅਰਦਾਸ ਸਿੱਖੀ ਜੀਵਨ ਦੀ ਰੂਹ ਹੈ। ਅਰਦਾਸ ਦੀ ਰਚਨਾ ਸਾਨੂੰ ਸਿੱਖ ਇਤਿਹਾਸ, ਧਰਮ ਲਈ ਕੀਤੀਆਂ ਕੁਰਬਾਨੀਆਂ ਦੀ ਯਾਦ ਦਿਵਾਉਂਦੀ ਹੈ, ਅਤੇ ਸਾਨੂੰ ਸਿੱਖ ਧਰਮ ਦੀਆਂ ਮੁੱਖ ਸਿੱਖਿਆਵਾਂ ਸਿਖਾਉਂਦੀ ਹੈ। ਸਰਬੱਤ ਦੀ ਭਲਾਈ ਲਈ ਕੀਤੀ ਅਰਦਾਸ ਸਾਨੂੰ ਸੱਚਾਈ, ਨਿਮਰਤਾ, ਸਮਾਨਤਾ, ਨਿਰਸਵਾਰਥ ਸੇਵਾ ਦੀ ਸਿੱਖਿਆ ਦਿੰਦੀ ਹੈ। ਅਸੀਂ ਅਕਾਲ ਪੁਰਖ ਜੀ ਦੇ ਭਾਣੇ ਨੂੰ ਮਿੱਠਾ ਮੰਨਦੇ ਹਾਂ ਅਤੇ ਆਪਣਾ ਸਾਰਾ ਜੀਵਨ ਗੁਰਮਤ ਦੇ ਮਾਰਗ ‘ਤੇ ਬਿਤਾਉਣ ਦੀ ਤਾਕਤ ਮੰਗਦੇ ਹਾਂ।

ਇਸ ਲਈ, ਗੁਰੂ ਪਿਆਰਿਓ, ਅਸੀਂ ਨਿਯਮਿਤ ਤੌਰ ‘ਤੇ ਨਿਤਨੇਮ ਤੇ ਅਰਦਾਸ ਕਰੀਏ ਅਤੇ ਆਪਣੀ ਅਗਲੀ ਪੀੜ੍ਹੀ ਨੂੰ ਅਧਿਆਤਮਿਕ ਸਿੱਖਿਆਵਾਂ ਨਾਲ ਜੋੜੀਏ, ਤਾਂ ਜੋ ਉਹ ਵੀ ਆਪਣੀ ਅਮੋਲ ਸਿੱਖ ਵਿਰਾਸਤ ਨੂੰ ਸਮਝ ਸਕਣ ਅਤੇ ਇਸਨੂੰ ਆਪਣੇ ਜੀਵਨ ਵਿੱਚ ਲਾਗੂ ਕਰ ਸਕਣ।

Read More

Lohri Festival in Punjabi
Guru Nanak Jayanti in Punjabi